Ilaahay idin doori Ducana waa

Ilaahay idin doori Ducana waa noqotaa. MAANSO

Inaan maanso daleeyoo Deeley aan tiriyo
Ducaalow ma jeclaynoo Mar horaan iska daayey
Waxse keena dareen Oo dibaaqayga xanuunja
Oo i dan qaaba ma waayee Ragii looga danbeeyee
Lagu siiyey digriiga Uu sidii waxyi diin ah
Ugu soo degayaan Daalibkooda ahaa
Haday doodi gabeenoo Dibnahoodi xidheen
Dib inaan ugu laabto Dirqi bay noqotee
Dad ruuxaan wax ogeyn Denbi looma xanbaarshee
Damaashaadka dhacaayiyo Calanka loo digriyaayee
Loo dur baan tumayaa Isagoon dad lahaynoo
Daluun dheer lagu tuuray Oo durufaan ku ogaaye
Doodu wayga su,aale Ma dib buu u dhashay
Daabacii badhtankiisa Iyo xidigtii dayaxaa iyo
Daruuraa u ekayd Duulkii ay metalaysay
Dar maqnaa iska daaye Labadii dusha saartee
Duligii isticmaarkiyo Daanyadii kaga raystay
Ma u dabaal degayaanoo Difaac ma ugu jiraan
Dedaalkii lagu keeniyo Dagaalkii halgankii
Daljirkii ku naf waayiyo Wixii geesi nin door ah
Ku casheeyey dugaagu Da,yartii la gumaadey
Hooyadii lagu dooxay Hablihii dahabkooda
Iyo duruucdooda xaraashay Isku soo wada duuboo
Wixii dhiig lagu daadshey Ma dareensan yihiin
Dafiraadi ma fiicnee Hadii aan wax is doorinoo
Daman aanan ahayn Dadkeenii waxa hasytiyo
Dalkeeniina ogahay Dar allaa la hadlaaye
Ducadaan badino Iyo daayinkay baryid mooyiye
Farxad aan la dekayno Iyo damaashaad ma ekayn
Afartaa da,da maanso Daruur hoortay gugii
Iyo dooxadii jarareed Sidoodii ma u deexday
Deelkii aan ka bilaabay Doc miyaan uga leexshey
Ilaahay idin doori Ducana waa noqotaaye
Dacwad baan furayaa Oo dawan baan ruxayaa
Yaa daryaanka maqlaaya Oo gabaygu uu damqayaa
Dawladaan hananiyo Dooroonow calankii
Lixdankii degta saaray Qarankii isku duubmay
Mar horuu kala daatoo Dunidoo dhan ka suuray
Rabina nooma daraanoo Cirka uu danab xoog leh
Iyo kama keenin dabaylo Digaxaadh mariyee
Inagaa duminoo Deken daakin u qaadnay
Higaad deel iyo daal Daalibkaan kala saarin
Alifkii dalab yeesho Al baqraa dabartoo
Derbi aanu marayn Iyo deri bay noqotaa
Dacdarooyinka maanta Iyo duligaa ina haysta
Dulucdii saldhigeeda Iyo halka ay ka dayaantay
Waa qabiil baan derejayn Dawlad waynu ahaan
Laba weeye is diidan Oo weligoodba dagaal
Iyo doodi ay ka dhaxaysay Oo inagaa isku doonay
Dir dir baynu bilawnoo Dariiqii ka habawnay
Sun aan daawo lahayn Baan shacbigii ku duray
Digaale qayb lama siin Reer duraan la ilaw
Dugsiiyaa ku shubtoo duulkaasaa wada qaatay
Anagu diidney wasiir Iyo labadaa dibitaati
Dirir baan ka xignaa Qabyaalad baynu dan moodney
Garaadkeena danbeeya Iyo jahli baa denbigaa lehe
Dur dur aan ka cabno Iyo dareer baan filanaynee
Debaaq aad u qadhaadh Iyo dacar baan kabanay
Markaasaynu deyowney Oo intaan diintii ka baydhnay
Doxoraa noqonay Damiirkii ka dhintay
Daalin baan u gargaarey Daciif baa laga hiishay
Xaqii baa la daboolay Oo duudsi baa la jidaystay
Aano aano ku doon Iyo ayaan duul kale ceeshin
Iyo dhiig dad baa la banaystay Duunyadii ummada
Iyo wixii deyn lagu keenay Ama deeq nala siiyey
Baa afar tuug daldasheen Dalacaad ku heleen
Intaa aan dulmi sheegay Iyo qaar kaloo ka daraa
Oo dibnaha soo marinayn Oo laga yeeshay dabeecad
Iyo distoor aan ku dhaqmayney Wax ka daaya yiraahda
Ay dareenkiisa dhibayso Iyo markay waydey daryeel
Baan dul ahaan cadawgeena Dabin aan u galay
Markaasaay kala duushay Oo midnimadii kala duushoo
Daaha aan u rogney Dib u soo celinteedana
Dedaallkeed ma hayno Duqay beeshu u aydo
Daacadoo wax hogaansha Danta guud ka shaqeeya
Iyo caadil diin ku dhaqmaaya Soomaalaay dunjigaagaba
Daayinkay kama beerinoo Weli daymo ma saarin
Afartaa da,da maanso Daruur hoortay gugii
Iyo dooxadii jararee Sidoodii ma u deexday
Deelkii aan ka bilaabay Doc miyaan uga leexshey
Ilaahaay idin doori Ducana waa noqotaaye
Dacwad baan furayaa Oo dawan baan ruxayaaye
Yaa daryaanka maqlaaya Oo gabaygu uu damqayaa
Halis ruux ka digaaya Iyo abwaan waano ka diiday
Wax aqoon kugu daal Wacdi kaa degi waa
Da,ina kuuma dhinee Qalbigaa ku daboolan
Oo damiir baanad lahayn mindidaa la isku dilaayo
Ninkaa daabka hayee Marba ruux darayaa
Dabcigaaga yaqaana Ood weligaa daba joogtey
Dawgii ay shalay eeday Ee labada daarba ku seegtay
Iyo qabiil dawlad ku gaadh baa damaceed na hayaayoo
Loo danaaniyayaayoo Weli loo dudayaa.
Hadii ay dux macaan Iyo haybi daawo lahayd
Inuun ruux derejeeya Dan ku gaadhi lahaa
Duligay na baday Iyo dalkeenii did u eega
Dhulkii dooga ahaa Dhirtii duuda ahayd
Caradii dihinayd Nin dalxiisi jeclaa
daluumaa laga jeexoo Saxaaruu ku danbeeyey
Duurjoogtii ku dhaqnaydna Dabataagi ma joogto
Bad wixii dhex dangiigay Dahab mood iyo nool
Dawladaa ka tanaaday Oo markab qaaday dixdii
Iyo diyaaraad ku rartay Waxay soo dejiyeen
Oo ku duugeen salka ciida Sun daqiiqad ku laysa
Dulku neefle dhamaan Duunyo waa la helaaye
Dagaalkii ahligii Intee baan dad ku weyney
Intee baa dacdaraysanoo Agoon haysan daryeel
Daacuunkii cudurkii Iyo intee duumadu xaaqday
Intee gaajo dilootey Intee daadku xanbaaray
Intee doonyo ku hoobtay Oo mawjaduu dejiyeen
Dalandoolki qaxooti Iyo dibedii lagu yaacay
IYo degaan gaalo la eedye Sidee baan u deyowney
Maxaa diif nagu taala Maxaa ceeb na dul saaran
Halis aan dugsanayno Duulka Eebe rogaayo
Da,yartaa ka xumaata Guryahaa kala daatoo
Dulin uu ka galaaye Intee baan ubad diin leh
Ama hooyo daboolan Oo xayadii ku dednayd
Dhaqan doorsamayoo Maanta daaduf ku nool
Barbaartii dugsigii Duruustay ka barteen
Dureeyeen maskaxdoodoo Gaaladii ku daydeen
Hooyadiina dibootoo Dirayskii muslimiinta
Iyo hagoogtii dusha xoortay Oo surwaal aad ugu diiq ah
Iyo dabagaab xidhatay Waxba aan u dedayn
Itee baa dhalin door ah Madaxdii dalka hooyo
Beri daadihin lahayd Duruufaa qurbe yaala
Iyo dabayluu hafiyeenoo ib u soo noqonayn
Intee daaci nin shiikh ah Haduu joogo dalkii
La duraaman lahaa Dersi ruux ka dhegeysta
Dacwad daa hadalkeede Dadab tii la gashay
Iyo dahabadii maqli waydoo Dabuub waano u sheeg iyo
Markuu doodi badshey Denbi loogu sameeyoo
Dhashiisii laga deyroo Daymihiisu arkayn
Intee caaqil da,weyn Dalkii haybad lahaa
Bulshadu ay daba joogtey Maalintay dihato
Ama ay meel ka dayaanto Ama ay dirgan waydo
Dibnihiisa la dhawro Ilmihii uu debed keenay
Iyo duqdiisii ka dhaqaaqdoo doc ay caawa jiraan
Wax dareen ah u hayn Daman oon is ogeyn
Afartaa da,da maanso Daruur hoortay gugii
Iyo dooxadii jarareed Sidoodii ma u deexday
Deelkii aan ka bilaabay Doc miyaan uga leexshey
Ilaahay idin doori Ducana waa noqotaaye
Dacwad baan furaayaa Dawan baan ruxayaa
Yaa daryaanka maqlaaya Oo gabaygu uu damqayaa
Murti aad u da, weyn Iyo hadaan doogta abaaro
Abwaan baa ku dardarmaay Qabiil waa dugsi laawe
Nabar aan dawa lahayn Milil hoos ka da,aaya
Iyo cudur weeye dilaa ah Ducfigaan kartidiisa
Ku danaysan karayn Daalin baa ku adeegta
Boogta diirka ka qaado Weligooba damqa
Jahli baa u dugaal ah Baahi baa deriskii ah
Bulshaduu la degaana Weligeed isku duubni
Iyo dar caleen leh ma gaadho Daluun bay ku dhacdaa
Diinta oo laga baydho Iimaankoo ku daciifa
Iyo dani bay dhalisaa Xin bay daadihisaa
Waxdaday dumisaa Dunuubtoo badata
Iyo dulmi bay hor kacdaa Dacar bay kicisaa
Nabaday durkisaa Dagaalay hurisaa
Safayn loo diririyo Iyo dakanay ka tagtaa
Nin doorkii talin laaye Ee samo dooni lahaa
Iyo duqayday salfataa Dhalintay dubataa
Qayladoo dami weyda Iyo baroor daa,im ahaata
Dumarkoo hengel qaata Iyo agoon bay dihataa
Mooryaan diirato ah Oo dad iyo duunyaba xaaqda
Jiri aan waxba deeqin Oo xaamilooyinka dooxda
Iyo daydaygay korisaa Degmadoo kala yaacda
Iniba gees u dareerto Dalka oo laga yaaco
Cidina daafici waydo Cadawgaagu degmaystoo
Xukunkiisa dumaalo Toban deyr u sameeyo
Dabka aan kala qaadan Isaguun daba jooga
Gumeysi aad u dilaasho Iyo daleel bay ku dhigtaa
Adigoo dalandoola Degaan aanad lahayn
Iyo u dugaala qaxooti Dunidu ay karahdo
Dawersi aad sharaf moodo Iyo dibjir bay ku badaa
Afartaa da,da maanso Daruur hoortay gugii
Iyo dooxadii jarareed Sidoodii ma u deexday
Deelkii aan ka bilaabay Doc miyaan uga leexshey
Ilaahay idin doori Ducana waa noqotaay
Dacwad furayaa Oo dawan baan ruxayaa
Yaa daryaanka maqlaaya Oo gabaygu uu damqayaa
Waxa daano na gaadhey cidna daah kama saarna
Waa digniin hadalkaygu Qabyaalad waa na dilootey
Digaanyo aan waxba reebin Iyo dulin bay nagu beertay
Docina nooma fayooba Caanihii weelka ka daataba
Dabadaa la qabtaaye Dariiqii laga baydhiyo
Hadaan daayin ilaah Iyo diintii aan lagu laaban
Toobadkeen la ducaysn Xaqii aynu dednay
Laga qaadin daboolka Dulmiga aan laga joogsan
Rucdigaa na dul saaran Daa,im baan ku ahaanoo
Ifka waa dabar go, Iyo dunidaynu ka suurno
Aakhirona waa degel naar ah Dab cadaabta iblays
Sidii duulki fircoon Deris aan noqonaa
Midnimaa wax daweysa Oo boogahaa damqanaayiyo
Dabiibaysa xumaantee Daliilkii rabigay iyo
Dooroonow nebigii CSW Dawgoodii ha la qaado
Qarankii dumay iyo Iyo dawlad aynu ku doono.